هقولكو تاني كل سنة وانتو طيبين لقرب حلول شهر رمضان الكريم. النهاردة موضوعنا عن المرأة وازاي تهتم ببشرتها وشعرها في الصيام، أكيد كلنا عارفين ان الصيام بيفقد الجسم جزء كبير من الميا اللي كنا بنشربها في الأيام العادية خصوصاً في الحر ده، كمان ممكن يضعف الجسم لو ماهتمناش بنفسنا وأكلنا كويس، هنشوف مع بعض من خلال الموضوع ده ازاي تقدري تستفيدي في الصيام بدون تساقط للشعر ولا جفاف للبشرة واللي بيكون بسبب عدم الثقافة بالأكل المفيد وكمان من قلة شرب المياه بالقدر الكافي، الصيام مفيد جدا لأنه بيجهز الجسم للتخلص من السموم الموجودة فيه فلازم نساعد ده بالأكل المفيد عشان نقدر ناخد أقصى إفادة من الشهر الكريم من خلال قائمة جيدة ومفيدة من الأطعمة والإفطار المفيد في رمضان.
** أنواع الأكل المطلوب للمحافظة على الجسم من الجفاف أثناء الصيام **
أثناء الإفطار
البداية باللبن والتمر ويفضل لبن دافئ حتى يرطب الجلد أثناء التعرق الخفيف، بعده الشوربة وهي مهمة جدا حتى في الصيف عشان نثبت في جسمنا نسبة المياه المفقودة بسبب الصيام، السلطة كمان من الحاجات المهمة جنب الأكل، بعد كده الخضار ويفضل يكون مسلوق بطرق الأكل المختلفة مش شرط يكون شوربة خضار علطول واللحوم يفضل تكون مشوية كمان العصاير مفيدة جدا.
السحور
عند السحور ابتعدي تماما عن أي شطة أو ملح زائد، ممكن زبادي أو بطيخ أو سلطة مع زيت الزيتون، ويجب شرب 8 أكواب مياه من الإفطار للسحور والاهتمام بذلك جيدا، وبذلك نحافظ على الجلد من التشقق والجفاف وفي نفس الوقت نحافظ على شعرنا من التساقط أثناء الصيام بالأكلات المفيدة السابق ذكرها .
ليست هناك تعليقات:
إرسال تعليق
تعليقاتكم مرحب بيها في أي وقت وأكون سعيدة جدا لتعليقكم على موضوع أعجبكم