طبعا مافيش عندنا أغلى من بناتنا الحلوين، وطبعا نحب نعملهم كل شيء يسعدهم ويخليهم دايما مبسوطين. النهاردة هنعمل مع بعض توكة ظريفة وجميلة جدا في بساطة خطواتها وممكن كمان نخلي بنوتتنا الحلوة تساعد في الخطوات بحيث نخليها تلعب وفي نفس الوقت تطلع حاجة جميلة تفرح انها عاملاها بإديهاـ تعالو نعرف ازاي: الأدوات
خيط - مقص - إبرة - قماش لونين حسب الرغبة - قلم - توكة كليبس - دبوس - ورقة أد كف الإيد مثلا - قطعة قطن صناعي صغيرة.
الخطوات:
نجيب الورقة ونقصها على شكل دايرة قطرها 5 سم بالشكل ده
نجيب قطعة قماش نطبقها مرة واحدة عشان نقص طبقتين ونرسم عليها دايرة بالشكل ده
نمسك الطبقتين بدبوس عشان يتقصوا زي بعض
ونبدأ نقص على شكل دايرة زي الورقة
بعد كده نجيب الورقة ونرسم عليها وش قطة ونقص القماش اللي باللون التاني على شكل الأذن
نحط الورقة في ظهر القماشة
بحيث الوش اللي رسمناها يكون ظاهر لينا
ونبدأ نخيط مرة واحدة بالخيط مكان العيون والشنب والفم بتاع القطة بألوان الخيط المختلفة
وبعدين نخيط الأذن بتاعتها في الوش القماش بالشكل ده
نجيب القطعة التانية من القماش المقصوص على شكل دايرة ونحطها في ظهر وش القطة اللي خيطناه ونبدأ نخيطهم في بعض باللون الفاتح الجميل ونحط بينهم قطعة قطن صناعي أو أسفنج ونكمل الخياطة بالشكل ده.
اعملوا الخياطة زي الصورة عشان شكلها يبقى حلو، نجيب التوكة الكليبس ونخيط فيها وش القطة بعد ما خلص بالشكل ده.
وفي النهاية يبقى معانا أحلى توكة للبنوتة القمورة
أتمنى تكون الفكرة عجبتكم
في رعاية الله
ليست هناك تعليقات:
إرسال تعليق
تعليقاتكم مرحب بيها في أي وقت وأكون سعيدة جدا لتعليقكم على موضوع أعجبكم